موت الفيل وقسوة قلوب الهنود 😡

الرئيسية مقالات عامة موت الفيل وقسوة قلوب الهنود 😡

مقالات عامة

موت الفيل وقسوة قلوب الهنود 😡

Mohamed S. Bediway 6

A+ A-

facebook twitter

الدنيا مقلوبة ومواقع التواصل مُشتعلة بسسب حادثة حصلت في الهند لأحد الفيلة:

مجموعة من الهنود معدومي الضمير والإنسانية جابو ثمرة أناناس وحطوا فيها مُتفجرات ووضعوها امام واحد من الأفيال، وللاسف اكلتها وانفجرت جواها وسببت اضرار بالغة في الحلق والمعدة..

واللي يوجع اكتر انها كانت حامل وطبعًا فضلت ايام تتألم في صمت ومحدش داري بيها لحد ما عقلها هداها انها تروح للنهر يمكن الألم يهدى وفضلت واقفة جوه المياه لاحول لعا ولاقوة لحد ما ماتت..

تخيل ايام من الوجع والألم الحارق، ومش قادرة تعبر عن ألمها ولا تشكي وعارفة ان رضيعها اللي عمره شهرين في بطنها مات!!

اللي يغيظك اكتر ان الفيّلة مش حيوانات مؤذية والعلماء بيقولوا في وصف سلوكها النبيل :

" تنزل الفيلة إلى الأنهار وتغتسل بمهابة مطهرة أنفسها من كل رجز. وإن رأى أحدها إنسانًا وحيدًا وتائهًا فإنه يرده بلطف إلى الدرب الذي ضلَّ عنه. ولا تسير الفيلة إلا جماعات يتقدمها متقدم. ولشدة حيائها لا تتزاوج إلا في الليل، وخفية، ولا تعود إلى قطيعها إلا بعد الاغتسال في النهر. وإذا اعترض طريقها قطيع من الماشية فإنها تزيحه جانبًا بحركة لطيفة من خرطومها لكي لا تطأه بأقدامها"

حتى اللي ماتت دي وهي في عز الألم وجنبها قرية مليانة بشر محاولتش تنتقم وتؤذيهم.. فقط كانت تتألم في صمت..

الحادثة خدت تعاطف من العالم كله وبدأت الناس يرثوها بكاريكاتيرات لطيفة، بس للاسف مفيش حاجة هتعوض موتها وحيدة مُتألمة..

حاجة مُوجعة للقب والله، وانا حقيقي مش عارف مين وحش مُتحجر القلب ممكن يعمل كده، بس أتمنى اللي عمل كده يموت بنفس الطريقة..

الوسوم: مقالات عامة