الجريمه المحكمه (كورونا فيروس)قصة فيلم واقعى تحكى كيفية السطو على الخلايا فى الأنسان.
الفيروس هو شفره( برنامج خبيث) مغلف ببروتين . عدد حروف شفرة الكورونا 30,000 بينما خلية الأنسان تفوق شفرتها 3 بيليون. ويحاول العلماء التعرف على تلك الشفره فمنها ما يستخدمها الفيروس فى السيطره على الخليه ومنها ما يستخدمها لصنع البروتين الخاص به . ومن المعروف ان خلية الأنسان بها عدد كبير من الشفرات لتكوين بروتين الخليه وأول شىء يفعله برنامج الفيروس هو تعطيل هذه الجينات الخاصه ببروتين الخليه وخاصة الخاص بالقضاء على الفيروس( يعنى بيعطل جهاز الأنذار وجهاز الدفاع) ثم هناك جزء من شفرة الفيروس تقوم بفصل جزء من بروتين الفيروس يتعامل مع البروتينات الموجوده بالفعل داخل الخليه( يعنى عطل جهاز التصنيع ودمر الموجود) مش بس كده فى داخل الخليه بعض البروتينات عليها علامه انتهاء الصلاحيه بتكون الخليه مستعدة للتخلص منها, يقوم بعض البروتين المنفصل نزع العلامه من عليها حتى لا تتعرف عليها الخليه و لتمتلىء الخليه ببروتين غير نافع لها( يعنى طلع المحكوم عليهم بالأعدام وأطلقهم جوه الخليه) ثم يبدء جزء اخر من الشفره فى استغلال الخليه لعمل فقاعات وهى عباره عن الأماكن التى سوف يتكون فيها الفيروسات الجديده( بدء بناء مستعمرات –أحتلال بمعنى الكلمه). هناك جزء من الشفره الخاصه للفيروس لعمل بروتين وظيفته مقص بيقطع كل جزء من بروتين الفيروس لينفصل ويتعامل(يعنى عارف فين مكان فصل قواته). جزء منها يتحرك فى اتجاه بوابة قصر الرياسه (حيث النواه) ويقوم بازالة المتاريس يعنى بيعمل فتحات فى الغشاء المحيط بها وعدم السيطره على من يدخل. يتبقى جزء من البروتين يحيط حول شفرة الفيروس ويحميها من أى هجوم مش كده وبس ده كمان بكده يبقى اتخفى لأن شكله بيتغير عن الشكل اللى دخل به. فى نفس الوقت يكون تم السيطره على برنامج الخليه لتصنيع فيروسات جديده ولكن قبل دخولها لتسكن المستعمرات (الفقاقيع) السابقه يوجد من يفحص تركيبة الفيروس الجديد وتصحيح أى خطأ فى شفرته. وينتهى الأمر بخليه مليئه بالفيروسات تفتح ابوابها بعد تدمير جدرانها لتخرج فيروسات جديده تهاجم مواطن (خلايا) جديده . ولا ننسى هذا الشكل للبروتين الخارجى والذى يكون مثل الشوك والذى يحتوى على الجزء الذى يساعد الفيروس على الألتصاق بالخليه واختراقها
ملحوظه وانا بكتب هذا المقال شعرت بقدرة الله فى خلقه وكذلك ضعف الأنسان متعنا الله وأياكم بالصحه والعافيه.
د/حسام برغش
![top-ad](<a title='banner' href='https://squeeze-template.blogspot.com/ncr/' target='_blank'> <img src="https://3.bp.blogspot.com/-A3NTM7cWT_Y/W08IP15yk1I/AAAAAAAAAX0/EqgxzNN8XnsQcEPksjHQ0MQc6IQ2twiuACK4BGAYYCw/s1600/Banner.png" alt="banner" title="banner" /> </a>){kind=link}
ربنا يشفي كل مريض 💔
ردحذفربنا يرفع عنا الغمة
ردحذفربنا يسترها علينا ويرفع الغمة عننا والدنيا ترجع زي الاول ياارب
ردحذفربنا يرفع الغمة عن المسلمين ويشفي كل مريض
ردحذفربنا يصلح الحال والدنيا ترجع زي الاول
ردحذف