مجموعة تليجرام باسم نسوان المنصورة تروج صور بنات المنصورة
ظهور مجموعة على تطبيق التليجرام لنشر صور بنات المنصورة والمباحث تحقق تقدم عدد من أهالي مدينة المنصورة ببلاغات لمباحث الإنترنت بمحافظة الدقهلية ضد مجموعة "جروب" على تطبيق التواصل الاجتماعى "تيليجرام" تحمل اسم "نسوان المنصورة"، نشر القائم على هذه المجموعة صورًا لعدد من الفتيات من مدينة المنصورة.
وكانت مجموعة "تيليجرام" وصل عدد المشتركين فيها إلى 10 آلاف مشترك وعدد الصور المنتشرة 2000 صورة، واستغلت تلك الصور لمحاولة ابتزاز عدد من الفتيات، وشهدت مدينة المنصورة حالة من الاستياء والغضب نتيجة إنشاء تلك المجموعة.
الأمن يتتبع المتهم بنشر صور "بنات المنصورة" على تليجرام
قال مصدر أمني رفيع المستوى، إن الأجهزة الأمنية المعنية تفحص واقعة نشر صور فاضحة لفتيات من محافظة الدقهلية عبر تطبيق التواصل "تليجرام"، مستخدما حسابًا يحمل اسم "نسوان المنصورة".
اللواء محمود الرشيدى مساعد وزير الداخلية لأمن المعلومات الأسبق يتابع مع الإعلامى عمرو أديب نشر صور بنات #المنصورة على تليجرام.
ونشر مرتكب الواقعة، صورا فاضحة وأخرى عادية استولى عليها من حسابات المئات المملوكة لفتيات مراهقات من الدقهلية.
وأكد المصدر أن أجهزة وزارة الداخلية تضطلع بدورها في الحفاظ على قيم المجمتع المصري ومواجهة محاولات تشويه صور الفتاة المصرية ما يؤثر بالسلب على المجتمع.
واستنكر رواد موقع التواصل الاجتماعي نشر صور الفتيات، مطالبين بسرعة الكشف عن مرتكب الواقعة، وتقديمه للمحاكمة في اقرب وقت.
بعض النصائح لاخواتنا البنات حرصا مننا عليكم
لو سمحتوا البنات اللى بتنشر صورها الشخصيه تشيلها من على الفيس و على الانستا او اى موقع تواصل اجتماعى وخدواا بالكوو ي جماعةة وعرفواا صحابكوو وحسبي الله ونعم الوكيل
أزمه كورونا والفراغ اللي احنا فيه خلت البشر تطلع اسوء ما عندها ويخلونا ندرك قد ايه احنا عايشين في خطر محاوطنا من كل الاتجاهات..
وانا بعمل سيرش لقيت فيديوهات لاستشاري اسمه وليد عبد المقصود (استشاري أمن المعلومات) اتفرجت ع كذا فيديو ليه وطلعت حاجات مهمه منها.. * لو حد مش واثق في كلامي يعمل سيرش بأسمه ع اليوتيوب ويتفرج ع فيديوهاته*
الموضوع طلع أكبر من عيل تافه وصل لصور بنات ونزلهم ع التليجرام، لا ده في عصابات عالميه بتلم داتا عشوائيه وتبدأ تفرزها وتبيعها لمواقع تجاريه او إباحيه أظن معظمنا يعرف ده ، العصابات دي ممكن توصلنا ازاي؟
- عن طريق مكالمه تليفون ( خلي بالك من الأرقام الدوليه واي رقم مصري بيبدأ بـ " +") بلاش تردي ع أرقام غريبه أحسن
- عن طريق المواقع الغير أمنه، مثال : "شوف انت شبه مين من المشاهير" وهكذا
- عن طريق تحميل تطبيقات غير أمنه بتاخد موافقتك للوصول لمعلوماتك وانت بتوافق من غير ماتفهم " زي تطبيقات الـ games وتطبيقات التعارف وتطبيقات حمايه الصور والفيديوهات ومنزله اسكرين لأمثله من تطبيقات عند اغلبنا واحنا منعرفش انها خطر
 |
طب ازاي شخص عادي يقدر يوصل لبياناتنا وكمان يتجسس علينا؟
-عن طريق فتح رابط ( بلاش فتح لينكات لو مامتك اللي بعتالك اللينك متفتحهوش)
-عن طريق مكالمه برضوا
-عن طريق واي فاي ( زي اللي بنلاقيهم بدون كلمه سر)
- عن طريق انه يمسك موبايلك وينزل تطبيق تجسس عليه وطبعاً التطبيقات دي بتشتري بفلوس عشان لو حد عايز يتجسس ع حد يعرف هو فين وبيعمل ايه ويقدر يصوره فيديو او صور عاديه وهو في البيت أو أي مكان وطبعاً التطبيق ده بيكون معموله إخفاء وانتي متعرفيش انه عندك اصلاً
- بلاش توصل موبايلك بلاب توب زميلك في الجامعه / الشغل.... هكذا
ازاي أعرف أن موبايلي عليه برنامج تجسس او متهكر.. أستاذ وليد عبد المقصود قال في الفيديو على 3 أكواد لو اتصلت بكود منهم وحولك ع خدمه العملاء وقالك الرقم غير صحيح يبقى انت كده أمان، لو طلبت كود منهم وظهر تطبيق انت مش منزله عندك يبقى انت كده متهكر
الأكواد : بتبدأ بـ شباك مش نجمه
#2013*
#9930*
#1344*
- اي ابلكيشن غريب هتلاحظه عندك هتمسحه واي ابلكيشن من اللي قولت عليهم فوق عندك امسحه واقفل الموبايل وشغله تاني..
أستاذ وليد قال علي حاجه تحمينا اكتر برضوا وهما برنامجين موجودين ع البلاي ستور وظيفتهم انهم بيقفلو الكاميرا والمايك عندك من جميع التطبيقات وكاميرا الموبايل نفسه كمان وحمايه ليكي إنك تكوني قافله الكاميرات طول الوقت ومتفتحهمش غير اما تيجي تتصوري،
من كام سنه طلع كلام ان الماسنجر والواتساب بيصور الناس بدون اذنهم دي مكنتش إشاعه ده كان بجد، فـ حمايه لينا من التطبيقات العاديه وتطبيقات التجسس ان ننزل التطبيقات دي وتكون الكاميرا مقفوله طول الوقت
( Camera blocker - Microphone block) وبرضوا منزل اسكرين ليهم
 |
| ده برنامج بيقفل الكاميرا نهائي عند عدم الاستخدام |
- حاجه تانيه مهمه قال عليها
بلاش تشتري موبايلات او لاب توب من أماكن مجهوله سواء جديد أو مستعمل عشان ممكن يكون فيه تطبيق تجسس وانت برضوا مش هتشوفه
- كل ما الموبايل بتاعنا بيعمل Update جديد ده بيقلل من وجود الثغرات وكل ما كان الاندرويد عالي كل ما كان طريقه تهكيره صعبه، فـ لما ينزل
Update جديد للموبايل اعمليه
- قالنا برضوا ع ابلكيشن يقدر يكشف المكان اللي انت فيه موجود فيه كاميرا مخفيه بتصورك ولا لا زي بروفات المحلات اما نروح نشتري لبس، بتفتح الابلكيشن وبتمشيه ع المكان ولو لقيت نقطه حمرا يبقى موجود كاميرا اسمه
( Glint finder) موجود في بلاي ستور
ومنزل صورته برضوا اسكرين
*نصيحه *
بلاش تبعتي صور شخصيه حتى لو لصاحبتك انتي مش ضامنه لازم تدركو اننا عايشين في خطر ، بلاش تفتحي روابط ارجوكي، بلاش تردي ع أرقام غريبه، بلاش تفتحي اي واي فاي متعرفهوش او هوت سبوت، صورك ع الفيس بوك او الانستجرام تكون برايفت مش اي حد تقبليه عندك واي اكونت مجهول الهويه مش حاطط صورته ومتعرفهوش متقبلهوش ولو عندك اعملي بلوك... رقمك مش اي حد ياخده المقربين منك اللي بتثقي فيهم بس،
بلاش تثقي في حد ارجوكي والصور اللي تخافي ان حد ياخدها بلاش تنزليها...
- لو اتعرضتي لتصوير في الشارع، أو حد سرق صورك واتعرضتي لتشهير او ابتذاز متخافيش مباحث الانترنت عامله شغل كويس جدا وبيكون في سريه تامه وحقك بيرجع بدون علم الأهل فـ ارجوكي اعملي بلاغ بدون تردد
أرقام مباحث الانترنت :
108
01126977222
01126977444
01126977333
ربنا يخرجنا منها ع خير ويحمينا جميعاً.
متنساش تشير المقال ده عندك عشان اصحابك وقرايبك يعرفوا وياخدوا بالهم ويكونوا حريصين جدا الايام دي
![top-ad](<a title='banner' href='https://squeeze-template.blogspot.com/ncr/' target='_blank'> <img src="https://3.bp.blogspot.com/-A3NTM7cWT_Y/W08IP15yk1I/AAAAAAAAAX0/EqgxzNN8XnsQcEPksjHQ0MQc6IQ2twiuACK4BGAYYCw/s1600/Banner.png" alt="banner" title="banner" /> </a>){kind=link}
ربنا يهدي الشباب
ردحذفبارك الله فيكم مقال مفيد جدا حجات كتير كانت مكنتش اعرفها
ردحذفربنا يهدي يااريت نخلي بالنا اليومين دول من الحاجات دي
ردحذف