ثورة الغضب في أمريكا! وحقيقة ترامب والعائلة المالكة

الرئيسية مقالات عامة ثورة الغضب في أمريكا! وحقيقة ترامب والعائلة المالكة

مقالات عامة

ثورة الغضب في أمريكا! وحقيقة ترامب والعائلة المالكة

Mohamed S. Bediway منذ 7 سنة تقريبا 7

A+ A-

facebook twitter

هات نيسكافيهك ف إيدك وتعالى أحكيلك إيه اللّي بيحصل في أمريكـ.ـا دا بالتفصيل نوعًا ما ..

.

والمقال دا واحد من أهم المقالات اللّي كتبتها هنا نظرًا لطبيعة الأحداث اللّي بتحصل دي، بس كالعادة هحكيلك كام حكاية مُنفصلين مُتّصلين هنتنطّط بيهم عبر الزمن عشان تبقى فاهم كل حاجة من البداية ..

.

هنرجع سريعًا للسنة اللّي فاتت عشان أحكيلك عن چيفري إبستين، اللّي بدأ حياته كمُدرس رياضيات في مدرسة ثانوي لحد السبعينات لمّا إتّجه للعمل في بنك إستثماري قبل ما يعمل شركة باسمه في ١٩٨٢ وبيتعامل فيها مع فئة الشركات اللّي بتتخطّى المليار دولار في مُعاملاتها المالية، وفي خضم دا كلّه كان بيبان إنّه فاحش الثراء وبيرمي فلوس في كل حتّة حواليه بس محدش كان عارف مصدر الفلوس دي إيه ولا كان بيجبها منين بالظبّط، وكان الموضوع fishy كدة اللّي هو ريحته فايحة والشك بيحوم حواليه .. 

.

لحد ٢٠٠٨ لمّا إترفعت ضده قضية إغواء قاصر لمُمارسة الدعارة وإتحكم عليه فيها بسنة ونُص سجن قعد منهم ١٣ شهر بس وخرج بعدها تحت شرط وضعه تحت المُراقبة ويروح لمكتب قضائي يُبت حضوره فيه، وخرج وهو موصوم بعار إنّه Sex Offender اللّي هوتقدر تقول عليه مُرتكب جرايمة جنسية أو زاني بالمعنى الدارج ..

.

الموضوع فضل ميّت شوية لحد السنة اللّي فاتت في ٨ يوليو ٢٠١٩ لمّا اتفتح تاني بعد تدقيق في تاريخ إبستين عشان يتقبض عليه تاني وهو راجع من فرنسا ويتسجن تاني بس المرة دي بقى مش عشان قضية البنت القاصر بس، لأ دا الموضوع طلع أكبر من مجرّد بنت واحدة والموضوع وسع لكونه كان بيشتغل في التجارة الجنسية للبنات القاصر، يعني بيدفع فلوس لناس تجيبله بنات تحت السن القانوني وبيستغلهم جنسيًا في بيوته المُنتشرة في الولايات والموضوع كبر أكتر واكتر لمّا الموضوع جه فيه أسماء شخصيات معروفة دلوقتي زيّ بيل كلينتون والأمير أندرو إبن الملكة إليزابيث وتوني بلير رئيس الوزراء البريطاني ومين تاني أكيد ..؟ 

.

أيوة بالظبط، دونالد ترامب .. 

.

إبستين حاول إنّه يقدّم إلتماس ويطلع بكفالة بس الموضوع إترفض من قبل ما يتفتح أصلًا وإتحكم عليه بالسجن ودا كان إمتى زي ما قلنا فوق ..؟ في ٨ يوليو .. عشان في ١٠ أغسطس وبعد شهر تقريبًا يلاقوه ميّت في زنزانته وحسب الطبيب الشرعي لبوليس نيويورك إنّه مات مُنتحر ويفضل دا التشخيص الرسمي لحد ٣٠ أكتوبر لمّا طبيب شرعي خاص تبع أخو إبستين صرّح إن كان في إصابات وكدمات في جسمه متطلعش من واحد بينتحر ولكنّها أقرب لكدمات وجروح واحد مات مُختنق بفعل فاعل خصوصًا إن كان في تقارير من قبلها في ٢٤ يوليو إن جسمه كان فيه كدمات أكنّه كان بيتعذّب، يغني قبل ما يموت بأسبوعين تقريبًا ..

.

عرفنا مين إبستين ..؟ جميل ..

.

ارجع معايا أكتر ورا وأفكّرك بمحبوبة الجماهير الأميرة ديانا اللّي تقريبًا مفيش حد ميعرفهاش خصوصًا الأجيال الكبيرة شوية نظرًا لوفاتها القديمة نوعًا ما في تسعينات القرن الماضي (مش مصدّق إنذي بقولها كدة، عجّزنا أوي)، ديانا كانت بتحب الأطفال جدًا وبتحب الناس عمومًا وكان ليها نشاطات كتير في مُساعدة الناس والحركات الخيرية واللّي كانت بتُعاني من الإكتئاب بالرغم من مشاعر الحُب العارمة اللّي كانت بتلاقيها من أغلب الناس، وهنا بقول أغلب الناس عشان كالعادة لازم يبقى في فئة ما بتكره الشخص مهما كان جميل ومحبوب ومبيأذيش حد بل هم اللّي بيسعوا لإذائه بأي شكل من الأشكال، حتّى لو الأذية دي وصلت حد الموت ..

.

ديانا إتجوّزت الأمير تشارلزفي ١٩٨١ وخلّفت منّه ولدين الأميرين ويليام وهاري اللّي الناس كلّهم عارفينهم دلوقتي وخصوصًا هاري اللّي ساب الدنيا عشان يتجوّز ميجان ميركل وكلّنا شوفنا مراسم الزواج بتاعتهم .. المُهم إن ديانا إتطّلقت من الأمير تشارلز في ٢٨ أغسطس ١٩٩٦ وعليها تقرّر إنّها تكرّس حياتها لولادها ونشاطاتها الخيرية خصوصًا في البلاد الفقيرة، وفي الفترة دي بدأت تتشاف مع دودي الفايد أو عماد الدين محمد عبد المنعم فايد ابن رجل الأعمال والملياردير الشهير محمد الفايد صاحب سلسلة محلات هارودز الأشهر في إنجلترا .. وعلاقتهم بدأت تتطوّر واحدة واحدة ضد موافقة ناس كتير منهم العائلة المالكة وتوني بلير نظرًا لإنهم مكانوش بيحبّوا آل فايد لثرائهم الفاحش وسيطرتهم على صناعات كتير ومُمتلكات شخصية وساء في إنجلترا، دبي، فرنسا، الولايات المُتّحدة وغيرهم ..

.

لحد يوم دعوة دودي الفايد لديانا ليخت يملُكه في فرنسا ..

.

ديانا كانت مع دودي في عربيته مع هنري بول السوّاق بتاعه مُتّجهين لشقّته بعد مُنتصف ليل ٣١ أغسطس ١٩٩٧ (بعد طلاقها بسنة) عشان يتلم عليهم سرب من مُصوّري الصُحف الصفراء بموتوسيكلات وعربيات يضايقوهم ويحاول السوّاق إنّه يتفاداهم ويهرب منهم عشان يدخُل في عمود عند مدخل نفق Pont de l'Álma والعربية تتدغدغ والسوّاق ودودي الفايد يموتوا على التوّ في موقع الحادثة وديانا تتنقل للمُستشفى بتُصارع الموت إثر إصابات وكسور خطيرة عشان تموت هناك الساعة ٦ الصبح وحارسها الشخصي تريفور رييس جونز ينجو، والدنيا تتقلب على موتها الفاجع اللّي أثّر في العالم كلّه اللّي كان بيحبّها وبيتابع أخبارها .. وإتسجّلت وفاته كحادث أليم قدّام العامة .. بس مش كل النّاس صدّقت ..

.

محمد الفايد رفع قضايا على العائلة المالكة البريطانية وقوّات الأمن الفرنسية بيتهمهم فيها إنّهم بيخبّوا أدلة عن الرأي العام بتثبت إن ابنه مات مقتول مع ديانا وإنّ اللّي حصل مكنش حادث عارض، والمُصيبة الأكبر كانت من كام سنة لمّا الموضوع اتفتح تاني أثناء مُحاكمة عسكرية لضابط الشُرطة السريّة البريطانية والقنّاص داني نايتنجايل اللّي وجّهت ليه إتهامات بحياذته غير الشرعية لأسلحة لمّا اتبعت جواب لزوجته من صديق ليه فالخدمة بيقولّها إنّ الفرقة بتاعتهم هي المسئولة عن حادث ديانا والتغطية عليه بعد كدة ..

.

وإتقال إن دا تم عن طريق إنهم يعموا عين هنري بول بأضواء من على بُعد عشان يتلغبط ويعمل حادث ودا اللّي حصل بالفعل خصوصًا إن التحريات ساعتها أثبتت إنه كمان كان تحت تأثير الكحوليات ومكنش في كامل وعيه .. وكل دا عشان ديانا كانت خطر على العائلة المالكة عشان قُربها من دودي الفايد وخوفهم يتجوّزوا وعليها هتطلع أسرار العائلة برّة، وخصوصًا خصوصًا إن العائلة المالكة معلّقتش بحاجة والملكة إليزابيث نفسها طلعت علّقت بعد الحادث بأسبوع كامل ..

.

لحد كدة إنت معايا ..؟ حلو، تعالى نطلع بالزمن قدّام شوية ..

.

في موقع مشهور جدًا اسمه 4chan معمول من ٢٠٠٣ والغرض منه هو إن الناس تدخل ترفع عليه صور والزوّار يتناقشوا في مُحتواها في كل المجالات تقريبًا من سياسة لرياضة لأنيمي وهكذا، وأحلى حاجة على الموقع دا إنّ كل اللّي عليه مجهولي الهوية، يعني محدش بيعمل أكونت باسمه وبياناته والجو دا، لأ، الناس بتدخل بدون أي بيانات شخصية ترفع الصور ويتناقشوا ويتّفقوا ويتخانقوا ويمشوا ومحدش يعرف مين اللّي عمل إيه .. ومن هنا كانت بداية Anonymous أو المجهولين ..

.

حاجة كدة زيّ اللّي بتشوفها فالأفلام، أو زيّ مسلسل Mr Robot بتاع رامي مالك للّي شافه، أنونيموس اللّي واخدين شعارهم إمّا قناع V for Vendetta أو راجل ببدلة بدون رأس، هم مجموعة من مجهولي الهوية محدش يعرف هم مين ولا منين بس اللّي عارفينه إنّهم مش من نفس البلد، ولا قاعدين في نفس المكان، يعني كل واحد قاعد في حتّة وبيتواصلوا أونلاين لهدف واحد ألا وهو القرصنة اللإلكترونية ضد المُنظمات والحكومات وأي كيان بيعمل ضد مصلحة الأفراد .. 

.

وعليها بقى أحيانًا في سبيل دا تلاقيهم بيشجّعوا المُقاومات والثورات وهكذا من الحركات اللّي بتنقلب ضد الحكومات في نفس الوقت اللّي محدش منهم بيقول دا علنًا ولا بيبيّن نواياه ولا بيسيب أي أثر ليه على الإنترنت إن حد يوصله بالرغم من إن أعدادهم تقدّر بالآلاف وملهمش قائد ولا كيان معروف، يعني كل اللّي بيقدر يعمل حاجة يعملها تحت اسمهم طالما بيؤدي لنفس سبيلهم وهدفهم ..

.

زيّ ما إنّفقنا، إنّهم بيقرصنوا وبيخترقوا أجهزة المُنظمات والحكومات ويسرقوا بيانات ومعلومات من الخوادم (Servers) بتاعتهم واللّي بيبقى متخّزن فيهم كل حاجة سرية مينفعش حد من العامة يعرفها ورا حوائط نارية من برامج الحماية والشرطة الإليكترونية ودا عشان كلّهم عباقرة في أتظمة الإختراق ولغات البرمجة وكسر وسائل الدفاع دي، ولمّا بيعملوا دا بيبدأوا يهدّدوا الجهات اللّي خدوا منها المعلومات دي بحاجة ما ولو محصلتش بيبدأوا ينشروا المعلومات للعامة ويفضحوا أصحابها وبتبقى فضيحة عالمية لدرجة إنّهم في ٢٠١٢ تم تصنيفهم على إنّهم واحد من أكثر ١٠٠ شخصية تأثيرًا في العالم خصوصًا بعد نشاطاتهم ضد الحكومات ومنظّمات تهريب البشر وإستغلال الأطفال جنسيًا وصفقات الأسلحة وغيرهم ..

.

كدة الخلفية التاريخية خلصت، نيجي بقى للّي حصل من كام يوم في ولاية منيابولس ..

.

يوم ٢٥ مايو اللّي فات دا، چورچ فلويد المواطن الأفرو-أمريكي ذو الـ ٤٦ عام كان في إتّجاهه لمحل Cup Foods اللّي هو زبون مُعتاد فيه عشان يشتري علبة سجاير بورقة مالية من فئة الـ ٢٠ دولار عشان العامل اللّي واقف في المحل يكتشف إنّها مزوّرة (او دا اللّي قاله بعد كدة في التحقيقات مع شهادته إن چورچ مكنش في وعيه وكان سكران) ويُطلب البوليس ليه ..

.

استجاب للمُكالمة دورية شرطة منهم الظابط توماس لاين اللّي جه لقى چورچ قاعد في عربية مع اتنين صحابه فرفع عليه السلاح (المفروض مينفعش بدون سبب في عُرف الشرطة) وطلب منه ينزل من العربية وهو بيشدّه منها ويكلبشه، وچورچ كان بيقاوح عشان مش فاهم قبل ما يهدى ويقف عشان الظابط توماس دا يحاول يجرجره على عربية الدورية وهنا بدأ چورچ في المقاومة ..

.

هنا ييجي دور الظابط شوفن صاحب الواقعة اللّي وصل مع ظابط تاني وحاولوا كلهم يدخّلوا چورچ عربية الدورية وهو بيصرّخ إنّه عنده فوبيا من الأماكن المُغلقة، وفي أثناء دا شوفن سحب چورچ من العربية وقعه عالأرض وركع فوقيه في الصورة الشهيرة ورُكبته على عُنقه من ورا عشان يثبّته على الأرض وفضل على الوضع دا لمدة ٨ دقايق و٤٦ ثانية كاملين وفق شهود العيان وچورچ عمّال يصرخ "مش قادر اتنفّس، مش قادر اتنفّس" ويتحايل عليه وينادي على مامته من الخوف لحد ما مرت ٦ دقايق من الـ ٨ وشوية دول كان چورچ قطع النَفَس وبطّل يتكلّم وعلى ما شوفن شال ركبته كان چورچ سلّم الروح ..

.

ودي كانت شرارة البداية ..

.

الناس هاجت وماجت على الشُرطة وخرجت المُظاهرات - بالرغم من خطر كورونا - والشوارع اتملت وهتافات وصُراخ واحتجاجات لدرجة إن الحكومة فرضت حظر تجوال في أكتر من ١٥ ولاية بس كلّه كان بلح والناس نزلت الشوارع بردو والموضوع تطوّر بعد تدخّل عناصر الشُرطة وتصريحات المتخلّف الكبير اللّي كان بيهدّد المُتظاهرين إنّه هيخلّي البوليس يضرب عليهم رصاص حيّ، والموضوع كبر ووسع لإشعال النار في مبنى الشُرطة في منيابولس وفي عربيات الدوريات في الشوارع ونهب المحلات وتخريبها، السوبرماركتات بقى وتوكيلات نايكي وآبل وكل اللّي يُخطر على بالك والسوشيال ميديا مليانة ڤيديوهات للتظاهرات والبهدلة اللّي مالية البلد كلّها، لدرجة إن حتّى المُمثلين والمشاهير بيعترضوا على صفحاتهم الشخصية وفي الشوارع ..

.

الشرطة قلبت الدنيا أكتر بسلسلة إعتقالات وسحل للمُتظاهرين بالعربيات بتاعتهم وضرب رصاص مطّاطي على الناس وناس اتصابت في وشّها وفي عيونهم وأكتر من ٥٠٠٠ شخص تم اعتقالهم بعد الشغب والفوضى اللّي عمّوا في البلد والسرقات وإضرام النيران في المُمتلكات وغبائهم في التعامل مع الموقف شعلّل الدنيا أكتر لدرجة إن الناس خرجت في مظاهرات وهتافات برّة أمريـ.كا نفسها عند سفاراتها في إنجلترا ونيوزيلاندا وألمانيا ورسم جرافيتي بقى لچورچ انتشر في الشوارع ومقاومات وكرّ وفرّ وحاجات كتير أوي، بقينا إحنا عارفينها بعد الربيع العربي .. عايز أقولك الكلام دا وصل لحد البيت الأبيض نفسه ..

.

انتشرت اللافتات الإحتجاجية اللّي بتُندّد بمقتل چورچ فلويد في كل الولايات زي Black Lives Matter يعني الأرواح السوداء مهمة، ككناية عن لون چورچ، وFix the System يعني صلّحوا النظام، وبقى المُتظاهرين بيناموا على بطنهم على الأرض ولافّين إيديهم حوالين ضهرهم من ورا وبيردّدوا "مش قادر أتنفس، مش قادر أتنفس" اللّي هم آخر كلمات چورچ قبل وفاته، ودا اللّي خلّى أفراد شُرطة ميامي ينزلوا على رُكبهم قدّامهم عشان يبينُلهم مدى حُزنهم ومؤازرتهم لمشاعرهم لدرجة إن بعض المُتظاهرين حضنوهم من تأثرهم وعيّطوا مع بعض .. والموضوع كان مُحزن ومؤثّر في نفس الوقت ..

.

كدة إنت المفروض بوصولك هنا فهمت كل فقرة لوحدها من اللّي فوق دول ..

.

تعالى بقى نربّطهم ببعض ..

.

بعد ما الدنيا إتقلبت عقبل مقتل چورچ فلويد والناس نزلت مُظاهرات وشغب وسرقات والناس إتقلبت على الشُرطة وناس بتشتم في ترامب وبتُطلب تنحّيه عن الرئاسة ومشاهير بيشتموه على أكونتاتهم الشخصية وكل القلق اللّي من عرفته ومتابعه بقالك كام يوم دا .. ظهر دول أنونيموس اللّي حكيتلك عنهم فوق .. طلعوا إمبارح بمُفاجات مُدويّة إن معاهم معلومات ووثائق ومُستندات كانوا نجحوا في الحصول عليها من سيرفرات الرئاسة الأمريكية وقوّات الأمن والشُرطة دا غير الأماكن الأُخرى اللّي مأعلنوش عنها وبالفعل كانوا بقالهم سنة بيهدّدوا بيها ترامب ومكنش بيهتم بيهم .. بس المرّة دي هيهتم غصب عنّه ..

.

أنونيموس نزّلوا فيديو على حسابهم واحد منهم بيتكلّم بصوت إليكتروني مُعدّل عشان ميتعرفش هو مين ولابس القناع المشهور بتاعهم، بيُدينوا قوّات الشُرطة فاللّي عملوه وكونهم مش موجودين عشان يحافظوا على النظام على قد ما هم موجودين عشان يحموا المُتحكّمين في النظام وإن وجودهم بقى بيُثير الذُعر والغضب فالناس عكس الأمان والطُمأنينة اللّي المفروض يبثّوها فيهم، وبيطالبوا فالڤيديو إن الظابط شوفن يتحاكم مُحاكمة عسكرية هو وباقي الظبّاط ولفتوا الإنتباه إنهم مش واثقين في نزاهة الجهاز الأمني الأمريكي وعشان كدة هم هيتصرّفوا وهيفضحوا جرايمهم للشعوب كلّها .. وقالولهم بالنّص "إحنا فيلق، انتظرونا .." .. ككناية عن عددهم الكبير يعني ..

.

طب هل اكتفوا الڤيديو دا بس ..؟ أومال إيه لازمة باقي الفقرت اللّي فوق ..؟

.

هقولك إنّهم - وعلى سبيل التأكيد على جدّيتهم - سربوا وثائق بتُدين أسماء مشهورة جدًا دلوقتي في المُجتمع الأمريكي وأمراء وحكّام وأصحاب شركات في أوروبا وكتير منهم كانوا في (الكتاب الأسود) بتاع مين ..؟ أيوة، بتاع چيفري إبستين اللّي فوق واللّي فيه أسماء الناس اللّي كانوا بيتعاملوا معاه سواء مُشاركين ليه في جرايمه، أصدقاؤه أو ضحاياه .. زي مين ..؟ أسماء بعضها صادم الحقيقة زيّ كريس تاكر، بيل جايست، داستن هوفمان، نايومي كامبل، وغيرهم ، ومش محدّدين مين كان مجرد معرفة من مين كان مُشارك فالجرايم من مين كان ضحية .. بس الأسماء اللّي على القمّة واللّي الناس كلّها عارفة إنهم مُتورطين .. توني بلير رئيس وزراء إنجلترا .. واللّي الناس كلّها مستنيّة سقوطه .. دونالد ترامب ..

.

المُستندات دي بتُبت مسئولية توني بلير والعائلة المالكة الإنجليزية في حادث وفاة الأميرة ديانا وإنّه مكنش حادث عارض بل بفعل فاعل وإنّهم هم اللّي وراه زيّ ما الناس كانت بتقول وزيّ نظريات المؤامرة كانت بتقترح، وكل حاجة بالدليل وبالأسماء وبالتفاصيل واللّي بتشمل تواطُئ الأمير تشارلز طليق ديانا وتكتّم الملكة إليزابيث عالموضوع وعك كتير كدة بيدور ورا جنبات قصر باكينجهام ..

.

أثبتت كمان إن ترامب كان متواطئ مع چيفري إبستين في الجرايم الجنسية بتاعته وإنه كان بيتعدّى على الفتيات القاصرات بل وعلى ولاد كمان وبيغتصبهم وكان بيسكّت أهاليهم بمبالغ هائلة، وإن ترامب هو اللّي قتل إبستين في السجن عشان ميتجرّش وراه ولا اسمه ييجي في تحقيقات خصوصا إن ترامب مغموس حتّى خصره فالقرف دا من زمان ودي أمثلة بسيطة:

. مايكل باركر، ١٠ سنين، في بالم بيتش، جنس فموي، ١٩٩٢، ٣ مليون دولار تعويض

. كيلي فيير، ١٢ سنة، برج ترامب نيويورك، إدعاء بالاغتصاب، ١٩٨٩، مليون دولار تعويض

. تشارلز بايكون، ١١ سنة، برج ترامب، إدعاء بالاغتصاب، ١٩٩٤، ٣ مليون دولار تعويض

. ريبيكا كونواي، ١٣ سنة، تسارلوتسفيل، جنس كامل، ٢٠١٢، ٣ مليون دولار تعويض

. ماريا أوليڤيرا، ١٢ سنة، بالم بيتش، جنس كامل، ١٩٩٣، أهلها مسكتوش غير بتعويض ١٦ مليون دولار

والقائمة تطول بقى، والأخطر من دا إن أنونيموس صرّحوا إن لو ترامب معترفش والشرطة بطّلت ضرب فالمتظاهرين كل البيانات دي هتوصل لروسيا اللّي طبعًا مستنية على نار إنّها تمسك حاجة على أمريكا، خصوصًا بعد ما أنونيموس بعتوا لترامب السنة اللّي فاتت بيطالبوه بمبالغ عملاقة وهو تجاهلهم فنشروا كام إيميل كدة من اللّي تحت إيديهم عشان يثبتوا إنهم على حق، ودلوقتي بيضربوا تاني عشان يثبتوا إنهم مبيهزّروش ..

.

وعشان يثبتوا دا أكتر وإنهم قادرين يوصلوا لأي حتّة هم عايزينها ..

.

احتلوا موجات الراديو بتاعة الشُرطة عشان يشوّشوا عليهم وشغلولهم أغنية Fuck da Police بتاعة NWA كسُخرية منهم يعني، فالوقت اللّي اخترقوا فيه قاعدة بياناتهم وسرّبوا ڤيديوهات تعذيب للمساجين من كاميرا المُراقبة عشان يهيجوا عليهم الناس أكتر وفي نفس الوقت يثبتوا إنّ إيديهم واصلة وإن مفيش قدّام الحكومة غير الخضوع ..

.

وعليها من ساعتها والمفروض ترامب في غرفة العمليات والدنيا مقلوبة والشوارع مليانة مُتظاهرين والبيت الأبيض طفى أنواره إمبارح بعد  ما نيران الشغب اقتربت منّه وإنتشرت قوّات الأمن في مُحيطه، يعني بعد ما ترامب اتريق بنفس الجُملة على رئاسة أوباما وقال إن البيت الأبيض كان مطفي بسببه، نفس الموضوع حصل معاه هو والبيت الأبيض طفى أنواره .. وحاليًا الشُرطة بتحاول إنّها تسيطر عالموقف بإستعادة وسائل الإتصالات وحجب اللّي تتقدر عليه ومسح البوستات من على السوشيال ميديا وخصوصًا تويتر ..

.

وفالنهاية، سواء المُستندات المنشورة دي صحيحة أو مكتوبة على الوورد، سواء أنونيموس هيقدروا يعملوا حاجة أو كل دا تهويش، فالموضوع في أمريـ.كا دلوقتي متكهرب والدنيا مقلوبة وشكل خريطة العالم فعلًا هتتغيّر قبل السنة دي بالمنظر اللّي إحنا شايفينه دا، كدة فاضل الچوكر بس يظهر ويبقى ختامها مسك ..

.

وبكدة إنت عرفت الحكاية من زوايا محدش حكاهالك قبل كدة، وبتفاصيل مش معروضة عشان تبقى فاهم اللّي بيحصل  حواليك بالتفصيل، فعرّف صحابك المُهتمّين وكالعادة زيّ ما إنت عارف، اللّي فوق دا مش كل الناس تعرفه، بس دلوقتي إنت مش منهم ..

شير بقا المقال ده عندك وعرف اصحابك💛

الوسوم: مقالات عامة