احنا ٣ انواع ..
النوع الأول .. عارفين ان الاغاني حرام .. و بيجاهدوا نفسهم
النوع الثاني .. عارفين ان الاغاني حرام .. بس الشيطان غالبهم
النوع الثالث بقي .. دول اللي مش مقتنعين انها حرام اصلاً !!
طيب..🤍👏🏻
نتابع الحالة..!
الاغاني دي .. متقسمة لحاجتين ..
"موسيقي" و " كلمات ".
الموسيقي دي حرام .. قولاً واحداً لا فِصال فيه!!
طب ليه ؟! اقنعيني هي ليه حرام ؟!
عيوني .. اقنعك هي ليه حرام .. ^^
- لمّا بتسمعي الاغاني .. او حتي الموسيقي وانتي في وقت فراغ كده ، اللي هو اصلاً وقت خلوة مع نفسك .. او بمعني أصّح تكون خلوة مع الله 🤍🤝🏻
محدش بينظرلك في الوقت ده غير الله ..
تقومي انتي مطلعة الفون بتاعك .. وتجيبي موسيقي او اغاني
الناس النكديه هيجيبوا اغاني حزينه وتقعدي تعيطي ..
لييه يابنتي كده
و الناس الفرفوشة بقي.. هيجيبوا اغاني فرفوشة زيهم عشان يفرفشوا
طيب نتكلم جد بقي 🤍👍🏻
وانتي بتسمعيها وتعبتي من العياط او بتفرفشي.
مش هتكلم عن انك لَم تستحي من الله .. و هو شايفك .. و استهونتي انه ناظر إليكِ
بس هتكلم بعد ماسمعتيها .. ارتحتي ؟!
شيطانك هِدي خلاص ؟!
ياتري وانتي بتسمعي كان كاتب الحسنات
ولا السيئات هو اللي شغال ؟!
المصيبة انك عارفة انه كاتب السيئات هو اللي شغال .. 💔
طيب بلاش دي
تفتكري ربنا بيحب الاغاني ؟!
او حتي الموسيقي ؟!
انتي بتحبي ربنا مش كده ؟!
لما بنحّب حد بنعمل اللي بيحبه وبنتجنَب نعمل الحاجة اللي تضايقه او تزعله علشان فعلًا بنحبه
مهو حب ربنا مش كلام يا طيبة
بتحبيه يبقي حِبي أوامره وطاعته ..
الموسيقي والاغاني .. بيُلهيكِ عن عبادة ربنا ..
و ده اللي الشيطان عايزه .. مش اللي ربنا عايزه ..🤍✋🏻
معقولة بعد كل ده تبقي بتطيعي الشيطان ؟!!
عارفة الشيطان اللي سمعتي كلامه لحظة شوقك للمعصية ده هيقول لربنا ايه عنك ؟!
هيقوله " ربنا ما أطغَيتُه وَ لكنه كانَ في ضَلالٍ بعيد "
يا الله !!
يعني هيتبري مني وهو كل مصايبي كانت من وسوسته :"))
ساعتها ربنا هيقول ايه " لا تختصموا لَدّيّ وَ قد قدَّمتُ إليكم بالوَعيد "
يعني خلاص.. جاية تتخانقي وتجادلي مع الشيطان دلوقتي ؟!!
ما كان في ايدك تجاهدي نفسك في الدنيا
" ما يُبّدّل القولُ لديّ وَ ما أنا بِظلامٍ للعبيد "
ربنا عز وجل مظلمناش .. وحاشاااه ان يظلمنا
احنا اللي ظلمنا نفسنا بحزننا و انتصار شهواتنا علينا
يعني
1 - الاغاني بتصرف قلبك عن الطاعة .. وبتخليها تقيله عليكِ
هاتيلي واحدة بتسمع اغاني و بتصلي الخمس فروض في اوقاتها ، او لسانها دائم علي ذكر الله ؟!!
مستحييل✋🏻🤍
2- فيها فتنة ..
البنت عموماً عاطفتها قوية .. بتتأثر بصوت الأخ اللي بيغني ده و شكله وصوره يعني مش هننسي ايام تامر حسني واللي البنات كانت بتعمله وقتها خلاص سودتيها في وشوشنا .. هندخل النار يعني ؟!
- اولاً محدش فينا بيستهوّن بعذاب النار أعاذنا الله وَ اياكُم ..
ربنا أرحَم بينا من أُم برضيعها .ما هو كل يوم البحر والارض بيقولوا لربنا خلينا نطبِق عليهم انهم افسدوا في الارض !!
بس ربنا علشان رحيم بينا بيقولهم ..
" لو كُنتم خلقتموهم لرحمتموهم " .
ربنا لسه بيقولنا ياعبادي
لسه رغم المعاصي والبلاوي اللي عملناها بيقولنا عبادي
معقوله يارب !! لسه بتنسبنا ليك رغم المعاصي وتقصيرنا في حقك!
عايزاكِ تمشي بشعار في حياتِك " أحبه إليكَ أحبّه إليّ "
أي يارب ما تُحبه وترضاه، انا أحبه وَ ارضاه
قومي يابنتي اتوضي وصلي ركعتي توبة وعيطيله وقوليله ساعدني ابطّل اغاني، انويها وانتي بتقرأي
هو لو شاف صدق توبتك هيساعدك صدقيني🤍✋🏻
بطلو بقا يا أمة محمد صلى الله عليه وسلم 🥺🤍
أنسيتن الوعد؟ .. لعلها تصيبُ قريبًا إن شاء الله ..
*غدًا نلقىٰ الأحبة .. محمدًا وصحْبِهِ*🥺🤍
![top-ad](<a title='banner' href='https://squeeze-template.blogspot.com/ncr/' target='_blank'> <img src="https://3.bp.blogspot.com/-A3NTM7cWT_Y/W08IP15yk1I/AAAAAAAAAX0/EqgxzNN8XnsQcEPksjHQ0MQc6IQ2twiuACK4BGAYYCw/s1600/Banner.png" alt="banner" title="banner" /> </a>){kind=link}
بارك الله فيكم
ردحذفحبيبي واياكم سعداء بتعليق حضرتك
حذفجامد
ردحذفاحسنتم النشر
ردحذفربنا يوفقكم
ردحذفربنا يهدي الشباب والبنات واتمني تزودو من المقالات دي كتير عشان احنا ضايعين اخلاق
ردحذفاللهم اهدنا واهدي بنا وجعلنا سببا لمن اهتدي
ردحذف